fo / en
Totalview HR rekruttering
Ment av Formula

Leys størv

19. jun. 2024
Parttíðarstarv í Mylnuni í miðbýnum

Til Mylnuna á Niels Finsens gøtu leita vit eftir fólki at arbeiða nøkur kvøld um vikuna og okkurt vikuskifti. Um tú gongur í skúla, hevur arbeiði í dagtímunum ella bert ynskir tær eitt kvøldarstarv, er hetta kanska rætta starvið fyri teg.

Tín fremsta uppgáva í handlinum er at veita góða kundatænastu, harafturat skalt tú fylla vørur upp og annars gera títt fyri, at handilin er innbjóðandi at koma í.

 

Vit leita eftir tær, ið er

-          áhugað/ur í kundatænastu og sølu

-          fryntlig/ur og fyrikomandi

-          sjálvstøðug/ur og álítandi

 

Arbeiðstíðin er áleið 20 tímar um mánaðin.

Um tú hevur hug at gerast partur av toyminum, kanst tú senda tína umsókn umvegis síðuna her. Eru spurningar til starvið, kanst tú venda tær til Beintu Bisp, handilsleiðara, á telefon 791994.

 

Umsóknarfreist:
17. jun. 2024
Avloysari til goymsluna í Miklagarði

Vit hava tørv á einum feriuavloysara til goymsluna í Miklagarði!

 

Á goymsluni hjá okkum er tín uppgáva at taka ímóti vørum gjøgnum vikuna, og síðani at skipa vørugoymsluna og tað arbeiðið, sum er har.

Goymslan hjá okkum er stór, og er tað umráðandi, at tú megnar at arbeiða skipa og sjálvstøðugt. Harafturat mást tú kunna samskifta við starvsfólk og veitarar, ið hava sína dagligu gongd á staðnum.

 

Vit hava tørv á avloysara frá viku 28 til og við ein part av viku 32. Arbeiðstíðin er vanliga frá kl. 8 til kl. 16, mánadag til fríggjadag.

 

Hevur tú spurningar til starv ella starvssetan, kanst tú venda tær til Karin Jacobsen, handilsleiðara, á telefon 233431.  Ert tú áhugað/ur í starvinum, kanst tú senda okkum tína umsókn umvegis leinkjuna í høgru síðu.

 

GG. tú mást hava koyrikort til trukk fyri at kunna røkja starvið.

Umsóknarfreist:
14. jun. 2024
Starvsfólk til Miklagarð

Kom og starvast saman við okkum í Føroya størsta matvøruhandli!

Vit leita í løtuni eftir einum starvsfólki at arbeiða áleið 40 tímar um vikuna.

 

Tú kemur at hava ábyrgd av einum øki í handlinum, har tín uppgáva er at fylla vørur á hyllarnar og at bíleggja ávísar vørubólkar. Tú skal sjálvandi eisini vera við at geva kundum okkara eina góða innkeypsuppliving við at vegleiðara og hjálpa teimum, og annars eru fyrifallandi uppgávur, ið stinga seg upp gjøgnum dagin.

 

Vit leita eftir tær, ið er fyrikomandi, ábyrgdarfull/ur og arbeiðssom/samur. Afturfyri kunnu vit bjóða eitt gott arbeiðsumhvørvi, har samstarv og kundatænasta er í miðdeplinum.

 

Arbeiðstíðin er mánadag til fríggjadag og triðja hvønn leygardag.

 

Hevur tú spurningar til eitthvørt, kanst tú venda tær til Karin Jacobsen, handilsleiðara, á telefon 233431.

Send okkum tína umsókn umvegis leinkjuna í høgru síðu. Vit lesa umsóknir leypandi.

 

Umsóknarfreist:
11. jun. 2024
Starvsfólk til Hornið í SMS

Kom og starvast saman við okkum í hugnaligu kafeini í SMS. Vit leita beint nú eftir starvsfólkum at starvast onkrar seinnapartar og leygardagar, og kanska eitt sindur meira nú í summar. 

 

Tú skal, saman við toyminum annars, gera títt fyri, at kafein altíð er innbjóðandi, og at gestir okkara altíð fáa eina góða uppliving tá teir koma framvið til ein kopp av kaffi ella eitthvørt annað. Tað er umráðandi, at tú er fyrikomandi og tænastusinnað/ur, og at tú hevur lætt við at samskifta bæði við gestir og starvsfelagir.

 

Ert tú áhugað/ur í starvinum, kanst tú senda okkum nøkur orð um teg sjálva/n umvegis leinkjuna í høgru síðu. Hevur tú spurningar til starv ella starvssetan, kanst tú venda tær til Katrin Káradóttir á telefon 233425.

 

Umsóknarfreist:
06. jun. 2024
Summarhjálp til køkin í Angus Steakhouse í Tórshavn

Angus er vælkenda búffmatstovan, har vit umframt lekkrar búffar eisini hava grillaðan høsnarunga, lamb, laks og ymiskar smárættir á matskránni. Vit leita í løtuni eftir matáhugaðum starvsfólki, ið kann hjálpa okkum í køkinum í summar. Ert tú góðskutilvitin, skipað/ur og tænastusinnað/ur? So er tað kanska tær vit leita eftir.

 

Matstovan er væl vitjað, bæði gerandisdagar og í vikuskiftinum, og selja vit eisini nógv út úr húsinum. Tað er tí umráðandi, at tú dugur at arbeiða skipa og til tíðir undir trýsti.

 

Stórur dentur verður lagdur á, at tú hevur góð samstarvsevni og at tú ert bevíst/ur um góðsku, reinføri og heilsufrøði.

 

Ynskir tú at gerast partur av toyminum í summar, kanst tú senda okkum tína umsókn umvegis leinkjuna í høgru síðu. Um tú ynskir at frætta meira um starvið, kanst tú venda tær til Suyash Kanekar, á telefon 505850.

 

Umsóknarfreist:
30. mai 2024
Matstovuleiðari til Angus Steakhouse í Tórshavn

Til væl vitjaðu matstovuna í Tórshavn leita vit eftir einum ábyrgdarfullum matstovuleiðara.

Vit leita eftir viðkomandi, ið hevur áhuga í at leiða, ganga undan og vera ein fyrimynd í menningini av heildarupplivingini í Angus í Tórshavn.

 

Matstovuleiðarin hevur ábyrgdina av:

  • Dagliga rakstrinum og tænastuni í matstovuni

  • Starvsfólkunum í matstovuni

Herundir at seta fólk, gera vaktarætlan og at læra og menna tey.

  • At bíleggja vørur í samráð við køksleiðaran

  • At ganga á odda fyri góðari kundatænastu

 

Av tær vænta vit, at:

  • Tú dugur at hava yvirlit og at arbeiða skipa

  • Tú hevur royndir innan matstovuyrki

  • Tú er smílandi og tænastusinnað/ur

  • Tú hevur góð samstarvsevni

 

Talan er um fulltíðarstarv. Av tí, at tú hevur ábyrgdina av matstovuni um kvøldið og í vikuskiftinum eisini, kanst tú vænta skiftandi arbeiðstíðir.

 

Løn er sambært avtalu. Freistin at søkja er 16. juni 2024 á midnátt, og verður starvið sett eftir avtalu. Eru spurningar til starvið kanst tú venda tær til Katrin Káradóttir, rakstrarleiðara, á telefon 233425.

 

Umsóknarfreist: 30. jun. 2024
17. mai 2024
Starvsfólk til Mylnuna í Berjabrekku

Kom og starvast saman við okkum í snøgga handlinum á Berjabrekku. Vit leita í løtuni eftir einum starvsfólki, ið á bestan hátt kann veita kundatænastu og selja og vísa á okkara breyð og køkur, ið koma beint frá bakaranum.

Góðska og kundatænasta eru lyklaorð hjá Mylnuni, og vænta vit av tær, at tú ert smílandi, røkin og ábyrgdarfull/ur.

 

Vit ynskja eitt starvsfólk, ið kann arbeiða 30-35 tímar um vikuna, og tá er talan bæði um morgun- og dagvaktir og annaðhvørt vikuskifti.

 

Hevur tú hug at gerast partur av toyminum á Berjabrekku, kanst tú senda okkum tína umsókn umvegis leinkjuna í høgru síðu. Um tú hevur spurningar til eitthvørt, kanst tú venda tær til Joan E. Justinussen, handilsleiðara, á telefon 769091.

Umsóknarfreist:
18. apr. 2024
Slaktarahjálp

Til slaktaran í Miklagarði leita vit eftir einum fryntligum starvsfólki, ið kann hjálpa til við ymiskum fyrifallandi á deildini, so sum at hjálpa í framleiðsluni og lættari reingerð.

 

Kundi tú hugsa tær eitt spennandi starv, har framleiðsla av hágóðsku kjøti og útskeringum eru í hásæti, er tað møguliga tær vit leita eftir.

 

Hjá slaktaranum í Miklagarði er altíð úr at gera, vit framleiða kjøt til Miklagarð, Mylnurnar og Bónus handlarnar kring alt landi umframt fleiri matstovur. Starvsfólkini eru von at arbeiða í høgari ferð uttan at slaka uppá góðskuna, sum altíð er í hásæti í slaktarínum.

 

Starvið er fulla tíð, og lønt verður eftir avtalu. Útbúgving innan øki er ikki ein treyt.

At byrja skjótast gjørligt ella eftir avtalu.

Hevur tú spurningar til eitthvørt, kanst tú venda tær til Rasmus Konggaard, sláturmeistara, á telefon 233432. Tú søkir starvið beinleiðis her á síðuni.

Umsóknarfreist:
15. apr. 2024
Starvsfólk til reingerð

Til matarstøðini í SMS leita vit eftir einum álítandi starvsfólki til rudding og reingerð, soleiðis at gestir okkara altíð fáa eina góða uppliving, tá tey eta í matstovum okkara.

 

Hjá okkum verður tín uppgáva at syrgja fyri, at matstovurnar altíð eru innbjóðandi og reinar, at borðini eru ruddað, og at reinføri sum heild er gott. Tú má vera fyrikomandi av lyndi, og hava lætt við at samskifta við gestir og starvsfelagar, og tað er sera umráðandi, at tú hevur eyga fyri smálutum.

 

Talan er um parttíðarstarv har arbeiðstíðin vanliga er millum kl. 11 og kl. 16 mánadag til leygardag. Hevur tú ynski um fleiri ella færri tímar um vikuna, eru vit til at práta við :-)

 

Ert tú áhugað/ur at gerast partur av toyminum, kanst tú senda tína umsókn umvegis leinkjuna í høgru síðu. Hevur tú spurningar til eitthvørt, kanst tú venda tær til Katrin Káradóttir á telefon 233425.

 

Umsóknarfreist:
Sjálvboðin umsókn

Er einki starv lýst leyst á síðuni, ið hevur tín áhuga, ert tú vælkomin at senda okkum eina sjálvbodna umsókn umvegis síðuna her.

Fortel okkum hvar tú kundi hugsa tær at starvast, og møguliga hvussu nógvar tímar um vikuna tú ynskir at arbeiða.

 

Vit hyggja leypandi eftir sjálvbodnu umsóknunum, og seta okkum í samband við teg, hava vit okkurt, ið vit halda hóskar til tín.

 

Vit goyma umsóknina í 180 dagar. Hevur tú einki hoyrt frá okkum tá tíðin er fráliðin, verður ein teldupostur sendur til tín, har tú skal vátta ella nokta, at umsóknin framvegis verður goymd í skipanini.

Henda síðan brúkar farspor (cookies)
Vit brúka farspor fyri at kunna gera tína uppliving betri.
Neyðug farspor tryggja, at heimasíðan riggar, sum hon skal.
Tú kanst altíð taka samtykkið aftur. Hetta gert tú við at fara til síðuna um farspor