Leys størv

Vit sóknast eftir einum uppvaskara til køkin í Angus at byrja beinanvegin.

Serliga hava vit tørv á uppvaskara um kvøldi og í vikuskiftinum. Hevur tú spurningar til starvið, kanst tú venda tær til Bjørt Sigurðsson á telefon 227518.

Tú søkir starvið við at senda okkum nøkur orð um teg sjálva/n umvegis leinkjuna í høgru síðu. :-)

Kom og starvast saman við okkum í Føroya størsta matvøruhandli! Vit leita í løtuni eftir einum starvsfólki at arbeiða áleið 40 tímar um vikuna.

Tín uppgáva verður at fylla vøru á hyllarnar, at vegleiða og hjálpa kundum okkara, at syrgja fyri, at handilin er ruddiligur og innbjóðandi, og annars fyrifallandi uppgávur sum stinga seg upp gjøgnum dagin.

Vit leita eftir tær, ið er fyrikomandi, ábyrgdarfull/ur og arbeiðssom/samur. Afturfyri kunnu vit bjóða eitt gott arbeiðsumhvørvi, har samstarv og kundatænasta er í miðdeplinum.

Arbeiðstíðin er mánadag til fríggjadag og triðja hvønn leygardag.

Hevur tú spurningar til eitthvørt, kanst tú venda tær til Karin Jacobsen, handilsleiðara, á telefon 233431.

Send okkum tína umsókn umvegis leinkjuna í høgru síðu. Vit lesa umsóknir leypandi.

Vit leita eftir einum starvsfólki til kondittara-toymið hjá okkum í Mylnuni. Tað er ikki neyðugt at tú ert útbúgvin kondittari, bara tú hevur áhuga fyri- og tímur at fáast við køku og bakstri.

Í Mylnuni framleiða vit bakara- og kondittaravørur til handlarnar Bónus, Mylnan og Miklagarð, samstundis sum vit taka ímóti ordrum umvegis heimasíðu okkara mylnan.fo. Uppgávurnar eru ymiskar og eru dagarnir tí sjálvdan eins í framleiðsluni.

Tú verður partur av toyminum, ið stendur fyri dagligu framleiðsluna í kondittarínum. Tú luttekur í kreativu menningini av bakstri og køkum, og er á tann hátt við til at seta tín dám á arbeiðsdagin.

Tað er umráðandi fyri okkum, at okkara starvsfólk eru ábyrgdarfull, at tey duga væl at arbeiða skipa, og at tey arbeiða væl sjálvstøðugt líka so væl sum í einum toymi.

Arbeiðstíðin er vanliga millum kl. 6 og kl. 14, 40 tímar um vikuna, og vikuskiftisarbeiði kann koma fyri. Arbeiðsstaðurin er í Miðlon á Hoyvíksvegi 67 í Tórshavn.

Talan er um eitt farloyvisstarv í eitt ár, men møguleiki er fyri at leingja.

Kundi tú hugsa tær at verið partur av toyminum, kanst tú senda okkum tína umsókn umvegis leinkjuna í høgru síðu. Hevur tú spurningar til eitthvørt, kanst tú venda tær til Maigunn Nattestad, leiðara í kondittarínum, á telefon 227506.  

Til slaktaran í Miklagarði leita vit eftir einum fryntligum starvsfólki, ið kann hjálpa til við ymiskum fyrifallandi á deildini, so sum at hjálpa í framleiðsluni og lættari reingerð.

Kundi tú hugsa tær eitt spennandi starv, har framleiðsla av hágóðsku kjøti og útskeringum eru í hásæti, er tað møguliga tær vit leita eftir.

Hjá slaktaranum í Miklagarði er altíð úr at gera, vit framleiða kjøt til Miklagarð, Mylnurnar og Bónus handlarnar kring alt landi umframt fleiri matstovur. Starvsfólkini eru von at arbeiða í høgari ferð uttan at slaka uppá góðskuna, sum altíð er í hásæti í slaktarínum.

Starvið er fulla tíð, og lønt verður eftir avtalu. Útbúgving innan øki er ikki ein treyt.

At byrja skjótast gjørligt ella eftir avtalu.

Hevur tú spurningar til eitthvørt, kanst tú venda tær til Rasmus Konggaard, sláturmeistara, á telefon 233432. Tú søkir starvið beinleiðis her á síðuni.

Til matarstøðini í SMS leita vit eftir einum álítandi starvsfólki til rudding og reingerð, soleiðis at gestir okkara altíð fáa eina góða uppliving, tá tey eta í matstovum okkara.

Hjá okkum verður tín uppgáva at syrgja fyri, at matstovurnar altíð eru innbjóðandi og reinar, at borðini eru ruddað, og at reinføri sum heild er gott. Tú má vera fyrikomandi av lyndi, og hava lætt við at samskifta við gestir og starvsfelagar, og tað er sera umráðandi, at tú hevur eyga fyri smálutum.

Talan er um parttíðarstarv har arbeiðstíðin vanliga er millum kl. 11 og kl. 16 mánadag til leygardag. Hevur tú ynski um fleiri ella færri tímar um vikuna, eru vit til at práta við :-)

Ert tú áhugað/ur at gerast partur av toyminum, kanst tú senda tína umsókn umvegis leinkjuna í høgru síðu. Hevur tú spurningar til eitthvørt, kanst tú venda tær til Katrin Káradóttir á telefon 233425.

Kom og starvast saman við okkum í Sheep á Hálsi. Handilin er á tremur við gerandis- og vakurleikavørum, alt til hárrøkt og nógv annað. Vøruúrvalið er risastórt, og vit fáa javnan nýggjar, spennandi vørur heim.

Hjá okkum verða tínar uppgávur at avgreiða kundar við kassan, at fylla vørur upp í handlinum, og sum heild at hjálpa við at halda handilin ruddiligan og innbjóðandi.

Beint nú hava vit tørv á einum starvsfólki, sum kann arbeiða áleið 30 tímar um vikuna, mánadag til fríggjadag.

Heldur tú teg vera tann, vit leita eftir? Send okkum so nøkur orð um teg sjálva/n umvegis leinkjuna í høgru síðu. Hevur tú spurningar til eitthvørt, kanst tú venda tær til Mariu Sverradóttir, leiðara, á telefon 590717.

Burger King søkir eftir einum eldhugaðum og fryntligum starvsfólki at gerast partur av okkara toymi í SMS.

Vit hava tørv á einum fólki til fulltíðarstarv at byrja beinanvegin.  Arbeiðstíðirnar eru skiftandi, dag- og kvøldvaktir.

Vit vænta av tær, at tú:

Hevur lætt við at tosa við viðskiftafólk og starvsfelagar

Hevur ein jaligan hugburð

Dugir væl at arbeiða í einum toymi

Megnar at veita eina skjóta og góða tænastu

Tú kemur at arbeiða við kassan, í Drive-Thru, við matgerðarborðini, úti í matstovuni o.a.

Royndir á økinum eru ikki ein treyt, tú fært upplæring á staðnum.

Ert tú áhugað/ur at gerast partur av toyminum, kanst tú senda okkum tína umsókn umvegis síðuna her. Hevur tú spurningar til eitthvørt, kanst tú venda tær til Blagica Pechaj, matstovuleiðara, á telefon 789685.

Vit leita eftir einum starvsfólki, ið dámar væl at fáast við matgerð, og samstundis hevur hug at starvast við kundatænastu. Tín fremsta uppgáva á Krásadeildini verður at avgreiða og hjálpa kundum, og harafturat at hjálpa við at fylla diskarnar við alskyns lekkrum krásavørum.

Vit leita eftir tær, ið er tænastusinnað/ur, dygdartilvin og gongur høgt upp í reinføri. Harafturat ynskja vit, at tú kanst samskifta á føroyskum.

Arbeiðstíðin er áleið 35 tímar um vikuna mánadag til fríggjadag og 3. hvønn leygardag.

Eru spurningar til starv ella starvssetan, kanst tú seta teg í samband við Jesper Nielsen, leiðara, á telefon 233439. Tú søkir starvið umvegis leinkjuna í høgru síðu.

Er einki starv lýst leyst á síðuni, ið hevur tín áhuga, ert tú vælkomin at senda okkum eina sjálvbodna umsókn umvegis síðuna her.

Fortel okkum hvar tú kundi hugsa tær at starvast, og møguliga hvussu nógvar tímar um vikuna tú ynskir at arbeiða.

Vit hyggja leypandi eftir sjálvbodnu umsóknunum, og seta okkum í samband við teg, hava vit okkurt, ið vit halda hóskar til tín.

Vit goyma umsóknina í 180 dagar. Hevur tú einki hoyrt frá okkum tá tíðin er fráliðin, verður ein teldupostur sendur til tín, har tú skal vátta ella nokta, at umsóknin framvegis verður goymd í skipanini.