fo / en
Totalview HR rekruttering
Ment av Formula

Leys størv

06. des 2021
Starvsfólk til Bónus í Marknagili

Vit leita eftir einum nýggjum starvsfelaga, ið er fyrikomandi, arbeiðssamur og ábyrgdarfullur. Hjá okkum verður tú partur av einum toymi, ið arbeiður fyri, at kundin altíð fær bestu tænastuna, at kundin lætt finnur ta vøruna, honum tørvar, og at handilin altíð er innbjóðandi at koma inn í.

Tú fær eitt gott arbeiðsumhvørvi, við góðum starvsfeløgum og ein fjølbroyttan gerandisdag, har arbeiðsuppgávurnar eru ymiskar.

 

Arbeiðstíðin er vanliga frá kl. 8:30 til kl. 16:00 mánadag til fríggjadag.

 

Ert tú áhugað/ur í einum starvi úti í Marknagili, kanst tú senda okkum tína umsókn umvegis leinkjuna í høgru síðu.

Eru spurningar til starv ella starvssetan, ber til at venda sær til Sigrun Danielsen, handilsleiðara, á telefon 233440.  

Umsóknarfreist:
30. nov 2021
Starvsfólk til Mylnuna á Berjabrekku

Kundi tú hugsa tær eitt starv, har tín størsta uppgáva er at veita kundum eina góða innkeypsuppliving? So er Mylnan á Berjabrekku møguliga eitt stað fyri teg. Vit leita í løtuni eftir einum starvsfelaga, ið kann hjálpa okkum at selja bakara- og aðrar vørur, at veita góða kundatænastu, og sum heild halda handilin hjá okkum penan og innbjóðandi.

 

Hjá okkum verður tú partur av einum toymi, ið arbeiður tætt saman, og er tað týdningarmikið, at tú ert sosial/ur, fryntligur og fyrikomandi.

 

Talan er um fulltíðarstarv í skiftandi vaktum, og vit síggja gjarna, at tú byrjar sum skjótast.

 

Sært tú teg sjálva/n í starvinum, ert tú vælkomin at senda tína umsókn umvegis leinkjuna í høgru síðu. Hevur tú spurningar til starv ella starvssetan, kanst tú venda tær til Joan E. Justinussen, handilsleiðara, á telefon 769091.

 

Umsóknarfreist: 14. des 2021
26. nov 2021
Farloyvisstarv sum pakkifólk í slaktarínum

Til slaktaran í Miklagarði leita vit eftir einum pakkifólki, ið kann byrja fyrst í komandi árinum og starvast hjá okkum til februar 2023.

 

Uppgávan hjá pakkifólkinum er at pakka slaktaravørur, ið skulu út í handilin í Miklagarði og til handlar og matstovur aðrastaðni. Tað er umráðandi, at tú sum pakkifólk arbeiður skipa og miðvíst.

Tú kemur at arbeiða fulla tíð, mánadag til fríggjadag, og annaðhvønn leygardag.

 

Ert tú áhugað/ur í starvinum sum pakkifólk, kanst tú senda okkum nøkur orð um teg sjálva/n umvegis leinkjuna í høgru síðu. Hevur tú spurningar til starv ella starvssetan, kanst tú venda tær til Rasmus Konggaard, sláturmeistara, á telefon 233432.

 

Talan er um eitt tíðaravmarkað starv, men møguleiki er fyri at halda fram eftir tíðarskeiðið.

 

Freistin at søkja er 12. desembur 2021 á midnátt.

Umsóknarfreist: 12. des 2021
22. nov 2021
Slaktaralærlingur til Miklagarð

Hevur tú ein spírandi áhuga fyri kjøti og ymiskum útskeringum? So hevur tú her møguleikan at taka eina fakliga útbúgving á Føroya størsta slaktaríið. Á útbúgvingini lærur tú um slátur og útskering av ymiskum kríatúrum. Tú lærur hvussu kjøt verður skorið út, viðgjørt og góðskutryggjað, so tað hóskar seg til teir ymisku marknaðirnir.

 

Hjá slaktaranum í Miklagarði er altíð úr at gera, vit framleiða kjøt til fleiri matstovur í landinum, og til handlarnar Miklagarð, Mylnurnar og Bónus. Starvsfólkini eru von at arbeiða í høgari ferð uttan at slaka uppá góðskuna, sum altíð er í hásæti í slaktarínum.

Vit leita eftir viðkomandi, ið hevur áhuga fyri matgerð og teimum ymisku útskeringunum. Ein, ið dugur at arbeiða í høgari ferð, er fyrireikað/ur uppá skiftandi arbeiðstíðir, gongur høgt uppí reinføri og er til reiðar at arbeiða við skiftandi og fjølbroyttum uppgávum.

 

Útbúgvingin tekur upp í 4 ár, alt eftir hvørja útbúgving tú hevur frammanundan. Sum slaktaralærlingur hjá Miklagarði verður tú knýttur at ZBC skúlanum í Roskilde. Tú skalt sostatt til Danmarkar í skúla í 21 vikur deilt út yvir í lærlingatíðarskeiðið og fær hetta uppihaldið goldið.

 

Eru spurningar til starvið ella lærutíðina, ert tú vælkomin at venda tær til Rasmus Konggaard, sláturmeistara, á tlf. 233432.

 

Hevur tú ein slaktara goymdan í tær? So kanst tú søkja læruplássið í Miklagarði umvegis leinkjuna í høgru síðu. Send okkum tína umsókn og møgulig avrit av prógvum áðrenn 12. desembur á midnátt.

Umsóknarfreist: 12. des 2021
18. nov 2021
Sushikokkur til Miklagarð

Vit leita eftir einum royndum sushi-kokki til Krásadeildina í Miklagarði.

Uppgávan hjá sushi-kokkinum verður at framleiða sushi til Miklagarð og aðrar handlar í samtakinum. Vit nýta bestu rávørurnar, og vænta vit, at tú ert tilvitað/ur um góðsku, reinføri og heilsufrøði.

 

Stórur dentur verður lagdur á, at tú hevur góð samstarvsevni, og at tú dugur at arbeiða skipa og til tíðir undir trýsti.

 

Ynskiligt er, at tú er útbúgvin kokkur, og at tú hevur royndir við framleiðslu av sushi.

Talan er um fulltíðarstarv við starvsbyrjan 3. januar 2021.

Lønt verður eftir avtalu.

 

Send okkum tína umsókn áðrenn 2. desembur 2021. Tú søkir starvið umvegis leinkjuna í høgru síðu.

Umsóknarfreist: 02. des 2021
15. nov 2021
Fulltíðarstarv í Mylnuni á Niels Finsens gøtu

Kundi tú hugsa tær eitt starv, har tín størsta uppgáva er at veita kundum eina góða innkeypsuppliving? So er Mylnan í miðbýnum møguliga eitt stað fyri teg. Vit leita í løtuni eftir einum starvsfelaga, ið kann hjálpa okkum at selja bakara- og aðrar vørur, at veita góða kundatænastu, og sum heild halda handilin hjá okkum penan og innbjóðandi.

 

Hjá okkum verður tú partur av einum toymi, ið arbeiður tætt saman, og er tað týdningarmikið, at tú ert sosial/ur, fryntligur og fyrikomandi.

 

Talan er um fulltíðarstarv í skiftandi vaktum, og vit síggja gjarna, at tú byrjar sum skjótast.

 

Sært tú teg sjálva/n í starvinum, ert tú vælkomin at senda tína umsókn umvegis leinkjuna í høgru síðu. Hevur tú spurningar til starv ella starvssetan, kanst tú venda tær til Vár Egholm, handilsleiðara, á telefon 769094.

 

Umsóknarfreist:
15. nov 2021
Handilsfólk til Mylnuna á Jónas Broncksgøtu

Ert tú álítandi, smílandi og arbeiðssom/samur? So er tað kanska tær vit leita eftir til fulltíðarstarv í Mylnuni. Hvønn dag fáa vit lekkrar vørur frá bakarínum, og leggja vit stóran dent á at vísa hesar fram á bestan hátt. Gott handverk og góð tænasta gongur hond í hond í handlum okkara. Tí er tað eisini sera umráðandi, at okkara starvsfólk eru fryntlig at heita á.

 

Uppgávurnar fevna í høvuðsheitum um at avgreiða kundar, bæði við kassan og á gólvinum, um tørvur er á tí, at fylla vørur á hyllarnar og sum heild at halda handilin penan og innbjóðandi.

 

Arbeiðstíðin er 30-35 tímar um vikuna.

Um tú ert áhugað/ur í at gerast partur av toyminum á Jónas Broncksgøtu, kanst tú senda tína umsókn umvegis síðuna her. Eru spurningar til starvið, kanst tú venda tær til Lindu Lydersen, handilsleiðara, á telefon 769093.

Umsóknarfreist:
21. okt 2021
Slaktari til Miklagarð

Kundi tú hugsa tær at starvast sum slaktari í Føroya størsta matvøruhandli? Okkum tørvar beint nú ein slaktara til fulltíðarstarv at byrja sum skjótast.

 

Hjá okkum sleppur tú veruliga at brúka tínar slaktara-førleikar. Framleiðslan av hágóðsku kjøti og útskeringum eru í hásæti, og brúka vit bara fyrsta flokks kjøt í Miklagarði.

 

Av tær vænta vit,

-          At tú ert útbúgvin slaktari

-          At tú ert tilvitað/ur um góðsku, reinføri og heilsufrøði

-          At tú dugur væl at samstarva, so vit kunnu hjálpast at

-          At tú møtur stundissliga, og trívist í einum umhvørvi har tað gongur skjótt fyri seg

 

Tú fært eina arbeiðsviku á 40 tímar, har tín fremsta uppgáva verður at framleiða kjøt til Miklagarð, Mylnurnar og Bónus handlarnar kring landi umframt fleiri matstovur. Starvsfólkini eru von at arbeiða í høgari ferð uttan at slaka uppá góðskuna, sum altíð er í hásæti í slaktarínum.

 

Ert tú okkara nýggi starvsfelagi? Send okkum tína umsókn umvegis leinkjuna í høgru síðu.

Hevur tú spurningar, ert tú vælkomin at seta teg í samband við okkara sláturmeistara, Rasmus Konggaard, á telefon 233432.

 

Umsóknarfreist:
18. okt 2021
Tænari til Angus Steakhouse í Tórshavn

Vit leita í løtuni eftir einum tænara, sum kann starvast fulla tíð í skiftandi vaktum. Sum tænari fært tú ábyrgdina av at taka ímóti gestum, at taka ímóti bíleggingum, at borðreiða mat og drykkjuvørur og at halda matstovuna reina og ruddiliga – alt við einum smíli :-)

 

Hjá Angus Steakhouse halda vit, at lykilin til góða kundatænastu er glað og motiverað starvsfólk. Tú verður tí partur av einum toymi, har samstarv, samanhald og góð tænasta er í miðdeplinum.

Tað er umráðandi, at starvsfólk okkara duga at arbeiða skipa og til tíðir undir trýsti, og av tí, at vit samskifta nógv við gestir og starvsfelagir í gerandisdegnum, er tað eisini ein fyrimunur, at tú ert sosial/ur og fyrikomandi.

 

Vit síggja gjarna, at tú byrjar í starvinum beinanvegin. 

Kundi tú hugsa tær at verið partur av tænaratoyminum, kanst tú senda tína umsókn umvegis síðuna her. Eru spurningar til starv ella starvssetan, kanst tú venda tær til Judit Bærentsen, matstovuleiðara, á telefon 581889.

 

Umsóknarfreist:
13. okt 2021
Starvsfólk til Stóragarð/Mylnuna

Komandi átta vikurnar hava vit tørv á einum starvsfólki til framleiðsluna í Miðlon, ið kann arbeiða aðruhvørja viku í líkavíku. Í Stóragarði er tín høvuðsuppgáva at gera langbreyð, salat o.a. ið verður koyrt út í handlar okkara kring landi.

 

Arbeiðstíðin er mánadag til fríggjadag frá kl. 8 til áleið kl. 12.30, og annaðhvørt vikuskiftið frá kl. 5 til áleið 12.30.

 

Hevur tú royndir innan matgerð, tað verið seg yrkisliga ella privat, og kundi tú hugsa tær at roynt teg í Stóragarði, kanst tú skriva nøkur orð um teg sjálva/n, og senda tey umvegis síðuna her.

 

Talan er um tíðaravmarkað starv til og við týsdag í viku 49.

Eru spurningar til starv ella starvssetan, kanst tú venda tær til Súnhild Holm, samskipara, á telefon 233435.

Umsóknarfreist:
22. sep 2021
Starvsfólk til Hornið í SMS

Í Horninum hava vit nógv at gera hvønn dag, og leita vit nú eftir einum starvsfelaga at arbeiða fulla tíð.

 

Hjá okkum verður tú partur av einum ungum og fryntligum toymi, og verður uppgávan hjá tær at avgreiða kundar, at gera teir leskiligu kaffi- og tedrykkirnar og annars at syrgja fyri, at kafein altíð er snøgg og innbjóðandi.

 

Vit leita eftir tær, ið er tænastusinnað/ur, smílandi og ábyrgarfull/ur.

 

Arbeiðstíðin er 30-35 tímar um vikuna í dagtímunum í skiftandi vaktum. Umsóknir verða viðgjørdar leypandi.

 

Eru spurningar til starv ella starvssetan, kanst tú venda tær til Marý Sigurheim, leiðara, á telefon 259252. Tú søkir starvið í høgru síðu.

 

Umsóknarfreist:
16. sep 2021
Starvsfólk til Mylnurnar

Hevur tú hug at starvast í einum av Mylnunum hjá okkum í Tórshavn? Vit sóknast serliga eftir fólki til fulla tíð í Mylnuni á Berjabrekku, á Smyrilsvegi og á Jónas Broncksgøtu. Kom og gerst partur av okkara toymi av handilsfólkum, ið hvønn dag selur bakara- og aðrar vørur við einum smíli :-)

 

Fyri okkum er tað umráðandi, at tú ert ábyrgdarfull/ur, fryntlig/ur at heita á, og at tú gongur uppí at veita góða kundatænastu.

 

Ert tú áhugað/ur í einum starvi í einari av Mylnunum, kanst tú skriva til okkara umvegis síðuna her, og greiða frá, hvat tú kanst bjóða og hvørjum tú ert áhugað/ur í. Eru spurningar til starv ella starvssetan, kanst tú senda ein teldupost til starv@sms.fo.

 

 

Umsóknarfreist:
27. aug 2021
Starvsfólk til Burger King

Dámar tær at vera partur av einum toymi, hevur tú ein jaligan hugburð, og trívist tú væl, tá nógv er at gera? So er eitt starv hjá Burger King kanska nakað fyri teg.

 

Uppgávurnar hjá okkara starvsfólkum eru fjølbroyttar, og fevna millum annað um at standa við kassan, at starvast í køkinum og úti í matstovuni. Tú fær royndir at arbeiða í toymi, og tú kemur at læra eina rúgvu um tænastuvinnuna.

 

Her er nógv at gera, og tú má trívast væl við at hava beinleiðis samband við gestir okkara.

 

Vit leita í løtuni eftir starvstólki til fulltíðarstarv, áleið 35-40 tímar um vikuna í skiftandi vaktum.

 

Ljóðar hetta sum nakað fyri teg, ert tú vælkomin at senda tína umsókn umvegis leinkjuna í høgru síðu. Eru spurningar til starv ella starvssetan, kanst tú venda tær til Blaca á telefon 789685.

 

 

Umsóknarfreist: