fo / en
Totalview HR rekruttering
Ment av Formula

Leys størv

23. jun 2022
KT starvsfólk til SMS

Til SMS samtakið leita vit eftir einum ágrytnum starvsfólki til KT deildina hjá okkum.

 

SMS Samtakið fevnir um tvær handilsmiðstøðir, handlarnar Bónus, Mylnan, Miklagarður, matarstøðini í SMS, Angus Steakhouse og nøkur dótturfeløg. Samtakið er í støðugari menning, samstundis sum kunningartøknin fyllur alsamt meira, og vit flyta okkum meira talgilda og ”smarta” vegin. Tí leita vit nú eftir einum starvsfelaga, ið kann hjálpa okkum at menna og viðlíkahalda KT-økið í fyritøkuni.

 

Uppgávurnar á KT-deildini fevna breitt, tú kemur millum annað at fáast við:

-          KT- og netumsiting

-          Uppsetan, viðlíkahald og menning av skipanum

-          Nær- og fjarsupport til okkara starvsfólk

-          KT-trygd

-          Skjalfesting v.m.

 

Um teg

Tú mást hava skil fyri KT og evni og áhuga at seta teg inn í tær ymsu skipanirnar, sum vit brúka. Tú arbeiður skipa, og trívist væl í einum starvi, har ferðin er høg og tað ofta eru nógvir bóltar í luftini.

Tú mást duga at arbeiða sjálvstøðugt og í toymi, og tað skal fella tær lætt at samskifta við veitarar, starvsfelagar o.ø.

 

Útbúgving innan øki er ikki ein treyt. Tað er tó ein fyrimunur, hevur tú arbeiðsroyndir á økinum og royndir at arbeiða í Windows, Linux, Microsoft 365 og Business Central.

 

Talan er um fulltíðarstarv, og lønt verður eftir avtalu.

Hevur tú spurningar til starv ella starvssetan, kanst tú venda tær til Jóhan Ziskason, KT-leiðara, á telefon 233434.

 

Freistin at søkja starvið er 10. juli 2022 á midnátt. Umsóknir verða viðgjørdar leypandi, og setan er eftir avtalu. Send okkum umsókn, lívrensl og møgulig avrit av prógvum og viðmælum umvegis leinkjuna í høgru síðu.

 

Umsóknarfreist: 10. jul 2022
22. jun 2022
Starvsfólk til Fípuna

Til blómuhornið hjá okkum í Miklagarði leita vit eftir einum dugnaligum og kreativum starvsfelaga.

 

Vit leita eftir tær, ið

- er handalig/ur, og tímur væl at fáast við blómubinding og røkt av blómum og plantum.

- er fyrikomandi og tænastusinnað/ur.

- kann arbeiða sjálvstøðugt og í toymi.

 

Talan er um fulltíðarstarv. Vaktirnar eru skiftandi innan vanligu upplatingartíðina, tó kann arbeiði koma fyri í vikuskiftinum og á merkisdøgum.

 

Send okkum nøkur orð um teg sjálva/n umvegis leinkjuna í høgru síðu. Eru spurningar til starv ella starvssetan, kanst tú venda tær til Johnny Priess, handilsleiðara, á telefon 283011.

Ynskiligt er, at tú kanst byrja í starvinum í juli mánaða.

Umsóknarfreist:
20. jun 2022
Tænari til Angus Steakhouse í Klaksvík

Vit sóknast eftir tænarum at arbeiða nøkur kvøld um vikuna. Sum tænari hjá okkum kemur tú at taka ímóti gestum, taka ímóti bíleggingum, borðreiða mat og drykkjuvørur, og at halda matstovuna reina og ruddiliga.

 

Ert tú fyrikomandi og smílandi av lyndi, dugur tú at arbeiða skipa, at hava yvirlit, og hevur tú tænastusinni, kanst tú senda okkum eina umsókn og møguliga gerast partur av okkara toymi, har samstarv, samanhald og góð tænasta er í miðdeplinum :-)

 

Hevur tú hug at gerast partur av toyminum, og harvið vera við at geva gestum okkara eina framúr matstovu-uppliving? So kanst tú senda okkum nøkur orð um teg sjálva/n umvegis leinkjuna í høgru síðu. Eru spurningar til starv ella starvssetan, kanst tú venda tær til Rebekku Petursdóttir á telefon 221682.

Umsóknarfreist:
20. jun 2022
Pakkifólk til slaktaríið í Miklagarði

Hjá slaktaranum í Miklagarði er altíð úr at gera, vit framleiða kjøt til handlar og matstovur kring alt landi.
Starvsfólkini eru von at arbeiða í høgari ferð uttan at slaka uppá góðskuna, sum altíð er í hásæti í slaktarínum.

 

Vit leita í løtuni eftir einum pakkifólki, har fremsta uppgávan er at pakka vørurnar, ið koma frá slaktarínum og krásadeildini.

 

Arbeiðstíðin er 40 tímar um vikuna í skiftandi vaktum innanfyri vanliga upplatingartíð. Hevur tú spurningar til starv ella starvssetan, kanst tú venda tær til Rasmus Konggaard, sláturmeistara, á telefon 233432.

Tú søkir starvið umvegis leinkjuna í høgru síðu.

Umsóknarfreist:
16. jun 2022
Kom í bakaralæru!

Dámar tær væl at baka? Og kundi tú hugsa tær at gjørt tað til tína yrkisleið?

 

Sum bakaralærlingur lærur tú at gera alskins sløg av breyði, køkum og wienarbreyði. Tú sleppur at arbeiða við hondunum og fært samstundis holla vitan um tað at framleiða breyð, gera deiggj, køkur o.a. Útbúgvingin sameinar teori og praksis, og tú fær bæði vitan innan bakstur, keyp og sølu og eftirlit.

 

Útbúgvingin tekur 4 ár, og sum bakaralærlingur hjá Mylnuni verður tú knýttur at ZBC skúlanum í Ringsted. Tú skalt sostatt til Danmarkar í skúla 5 ferð í lærlingatíðarskeiðnum. Uppihaldið í Danmark fært tú goldið, og tú fær løn bæði tá tú ert til arbeiðis og tá tú ert í skúla.

Sum bakari hevur tú ein spennandi arbeiðsdag, har tú møtir tíðliga og fært tíðliga frí. Arbeiðstíðin er 40 tímar um vikuna, og vikuskiftisarbeiði kann koma fyri.

 

Hevur hetta tín áhuga, og hevur tú lokið fólkaskúlan? So kanst tú søkja um at gerast lærlingur hjá Mylnuni umvegis síðuna her. Eru spurningar til starv ella okkurt annað í samband við læruna, kanst tú venda tær til Eirikur Magnussen, bakarameistara, á 214456.

 

Umsóknarfreist: 03. jul 2022
14. jun 2022
Kondittaralærlingur til Mylnuna

Ert tú kreativ/ur í dessertkøkinum og dámar tær at fáa køkur at síggja fantastiskar út? Hevur tú lokið fólka- ella miðnámsskúlan, og veist tú ikki ordiliga hvat tú skal nú? Kom í læru sum kondittari hjá Mylnuni.

 

Tú kemur at arbeiða við hondunum og fær gjøgnum útbúgvingina ein breiðan kunnleika um køkur, wienarbreyð, marsipan, sjokuláta o.a. Tú kemur eisini at læra at baka botnar, gera køkukrem og at skapa títt egna serkenni.

 

Útbúgvingin tekur 4 ár, og tú fært lærlingaløn sambært handverkarafelag fyri lærlingar.
Sum kondittaralærlingur hjá Mylnuni verður tú knýttur at ZBC skúlanum í Ringsted. Tú skalt sostatt til Danmarkar í skúla 7 ferð í lærlingatíðarskeiðnum og fær uppihaldið goldið.

Sum kondittari hevur tú ein spennandi arbeiðsdag, har tú møtir tíðliga og fært tíðliga frí. Arbeiðstíðin er 40 tímar um vikuna, og vikuskiftisarbeiði kann koma fyri.

 

Hevur hetta tín áhuga? So kanst tú senda okkum tína umsókn umvegis leinkjuna í høgru síðu áðrenn 3. juli 2022. Starvið verður sett eftir avtalu.

Um tú hevur spurningar til eitthvørt, kanst tú venda tær til Eirik, bakarameistara, á telefon 214456.

 

Umsóknarfreist: 03. jul 2022
08. jun 2022
Starvsfólk til Krásadeildina í Miklagarði

Vit leita eftir einum starvsfólki, ið hevur ein spírandi áhuga fyri matgerð og dygdar rávørum. Fremsta uppgávan hjá starvsfólkunum á Krásadeildini er at avgreiða og hjálpa kundum og at fylla diskarnar við alskyns lekkrum krásavørum.

 

Vit vænta av tær, at tú ert tænastusinnað/ur, dygdartilvin og gongur høgt upp í reinføri.

Arbeiðstíðin er áleið 30-35 tímar um vikuna mánadag til fríggjadag og 3. hvønn leygardag.

 

Eru spurningar til starv ella starvssetan, kanst tú seta teg í samband við Rasmus Konggaard, sláturmeistara, á telefon 233432. Send okkum nøkur orð um teg sjálva/n umvegis síðuna í høgru síðu.

 

Umsóknarfreist:
02. jun 2022
Lærlingur til slaktaran í Miklagarði

Hevur tú ein spírandi áhuga fyri kjøti og ymiskum útskeringum? So hevur tú her møguleikan at taka eina fakliga útbúgving á Føroya størsta slaktaríið. Á útbúgvingini lærur tú um slátur og útskering av ymiskum kríatúrum. Tú lærur hvussu kjøt verður skorið út, viðgjørt og góðskutryggjað, so tað hóskar seg til teir ymisku marknaðirnir.

 

Hjá slaktaranum í Miklagarði er altíð úr at gera, vit framleiða kjøt til Miklagarð, Mylnurnar, Bónus handlarnar og fleiri matstovur kring alt landi. Starvsfólkini eru von at arbeiða í høgari ferð uttan at slaka uppá góðskuna, sum altíð er í hásæti í slaktarínum.

 

Vit leita eftir viðkomandi, ið hevur áhuga fyri matgerð og teimum ymisku útskeringunum. Ein, ið dugur at arbeiða í høgari ferð, er fyrireikað/ur uppá skiftandi arbeiðstíðir, gongur høgt uppí reinføri og er til reiðar at arbeiða við skiftandi og fjølbroyttum uppgávum.

 

Útbúgvingin tekur upp í 4 ár, alt eftir hvørja útbúgving tú hevur frammanundan. Sum slaktaralærlingur hjá Miklagarði verður tú knýttur at ZBC skúlanum í Roskilde. Tú skalt sostatt til Danmarkar í skúla í 21 vikur deilt út yvir í lærlingatíðarskeiðið og fær hetta uppihaldið goldið.

 

Eru spurningar til starvið ella lærutíðina, ert tú vælkomin at venda tær til Rasmus Konggaard, slaktarameistara, á telefon 233432.

 

Hevur tú ein slaktara goymdan í tær? So kanst tú søkja lærupláss í Miklagarði við at fylgja leinkjuni í høgru síðu. Freistin at søkja er 3. juli 2022, og starvið verður sett eftir avtalu.

 

Umsóknarfreist: 03. jul 2022
01. jun 2022
Pakkifólk til Mylnuna

Vit leita eftir fólki, ið megnar at arbeiða skipa og undir trýsti til pakkideildina á bakarínum.

Tín høvuðsuppgáva verður at pakka vørur frá framleiðsluni, ið skulu út í handlar okkara kring landi. Tú verður partur av einum fryntligum toymi, har tað er týdningarmikið, at vit samstarva og samskifta við starvsfelagarnar í framleiðsluni. 

 

Arbeiðstíðin er vanliga millum kl. 4 og kl. 11.30, og starvsstaðurin er á bakarínum í Miðlon.

Løn er sambært sáttmála hjá Havnar Arbeiðarafelag ella Havnar Arbeiðskvinnufelag.

 

Ert tú áhugað/ur í at royna teg sum pakkifólk, ella hevur tú spurningar til starvið, kanst tú venda tær til Eirikur Magnussen á telefon 214456. Tú søkir starvið umvegis leinkjuna í høgru síðu.

 

Eisini hava vit tørv á einum avloysara til hetta starvið í august mánaða. Tú er vælkomin at søkja avloysarastarvið á leinkjuni til høgru eisini :-)

Umsóknarfreist:
30. mai 2022
Bilførari at koyra annaðhvønn leygardag

Til Mylnuna hava vit tørv á einum bilførara at koyra fast annaðhvønn leygardag frá kl. 5 til kl. 13, og annars sum avloysari tá tørvur er á tí.

Tú skal koyra bakara- og aðrar vørur, ið vit framleiða, út í handlar okkara og matstovur í Havn. Tað er umráðandi, at tú arbeiður skipa og at tú er ábyrgdarfull/ur.

 

Tín arbeiðsdagur byrjar í bakarínum á Hoyvíksvegi 67 í Havn (Miðlon).

 

Rein revsiváttan er kravd. Bert vanligt koyrikort er neyðugt fyri at røkja starvið.

Kundi tú hugsa tær at arbeitt nakrar tímar annaðhvørt vikuskiftið, kanst tú senda okkum nøkur orð um teg sjálva/n umvegis leinkjuna í høgru síðu. Hevur tú spurningar til starv ella starvssetan, kanst tú venda tær til Súnhild Holm, samskipara, á telefon 233435.

 

Umsóknarfreist:
27. mai 2022
Starvsfólk til Mylnuna

Dámar tær væl at fáast við matgerð og serliga í tí søta køkinum? Gongur tú upp í, at útsjónd og smakkur gongur upp í eina hægri eind? So er eitt starv í Mylnuni møguliga nakað fyri teg. Á kondittarínum hjá Mylnuni sóknast vit eftir einum starvsfólki, ið hevur áhuga fyri køkum og bakstri.

 

Hjá okkum verður tú partur av toyminum, ið stendur fyri dagligu framleiðsluni í kondittarínum. Tú luttekur í kreativu menningini av bakstri og køkum, og er á tann hátt við til at seta tín dám á arbeiðsdagin.

Vit vænta av okkara starvsfólkum, at tey eru ábyrgdarfull, at tey duga væl at arbeiða skipa, at tey arbeiða væl sjálvstøðugt líka so væl sum í einum toymi.

 

Talan er um fulltíðarstarv, har arbeiðstíðin vanliga er millum kl. 6.00 og kl. 15.00. Hevur tú av onkrum áðum ynski til arbeiðstíð innanfyri hesa tíðarrammuna, eru vit til at tosa við. Vikuskiftisarbeiði kann koma fyri.

 

Útbúgving er ikki neyðug. Um áhugin fyri økinum er til staðar, eru vit til reiðar at taka eitt prát.

Eru spurningar til starv ella starvssetan, ber til at venda sær til Eirikur Magnussen, bakarameistara, á telefon 214456.

 

Umsóknarfreist:
23. mai 2022
Starvsfólk til Bónus í Klaksvík

Bónus í Klaksvík leitar eftir einum fryntligum og fyrikomandi starvsfólki, ið leggur í at geva kundunum bestu innkeypsupplivingina. Tú kemur millum annað at avgreiða kundar við kassan, at fylla vørur út í handilin, og at syrgja fyri, at handilin er snøggur og innbjóðandi.

 

Starvið er áleið 30 tímar um vikuna, arbeiðstíðin er vanliga í dagtímunum frá kl. 9.00 til kl. 16.00.

 

Ert tú áhugað/ur í at gerast partur av toyminum í Klaksvík, kanst tú senda okkum nøkur orð um teg sjálva/n umvegis leinkjuna í høgru síðu. Hevur tú spurningar til starv ella starvssetan, kanst tú venda tær til Jonu í Lon, handilsleiðara, á telefon 233449.

 

Umsóknarfreist:
17. mai 2022
Starvsfólk til Mylnuna á Berjabrekku

Leitar tú eftir einum starvi í handilsvinnuni? So hava vit beint nú eitt starv leyst at søkja í Mylnuni á Berjabrekku. Hjá okkum fáa vit hvønn dag lekkrar vørur frá bakarínum, og leggja vit stóran dent á at vísa hesar fram á bestan hátt. Gott handverk og góð tænasta gongur hond í hond í handlum okkara, og leita vit tí eftir einum fryntligum og fyrikomandi starvsfelaga.

 

 

Uppgávurnar fevna í høvuðsheitum um at avgreiða kundar, bæði við kassan og á gólvinum, um tørvur er á tí, at fylla vørur á hyllarnar og sum heild at halda handilin penan og innbjóðandi.

 

Talan er um eitt starv á áleið 35 tímar um vikuna.

 

Um tú ert áhugað/ur í at gerast partur av toyminum á Berjabrekku, kanst tú senda tína umsókn umvegis síðuna her. Eru spurningar til starv ella starvssetan, kanst tú venda tær til Joan E. Justinussen, handilsleiðara, á telefon 769091.

Umsóknarfreist:
16. mai 2022
Uppvaskari til Angus Steakhouse í Klaksvík

Vit sóknast eftir einum uppvaskara til køkin í Angus at byrja beinanvegin.

Serliga hava vit tørv á uppvaskara um kvøldi og í vikuskiftinum. Hevur tú spurningar til starvið, kanst tú venda tær til Suyash á telefon 505850.

 

Tú søkir starvið við at senda nøkur orð um teg sjálva/n umvegis leinkjuna í høgru síðu.

 

Umsóknarfreist:
27. apr 2022
Starvsfólk til Bónus í Miðvági

Í Bónus í Miðvági hava vit tørv á fleiri starvsfólkum at arbeiða seinnapart/kvøld og vikuskiftisvaktir. Kanska tú gongur í skúla í dagtímunum, ella eitt kvøldarstarv hóskar seg betri til tín av øðrum orsøkum, so er bara at søkja :-)

 

Uppgávurnar fevna í høvuðsheitum um at hjálpa og ráðgeva kundum, um teir hava tørv á tí, at fylla upp í handlinum, at avgreiða kundar við kassan og at hjálpa til við at halda handilin reinan og ruddiligan.

 

Vit leita sjálvandi eftir tær, ið er fyrikomandi, ábyrgdarfull/ur og arbeiðssom/samur.

 

Ljóðar hetta sum eitt starv fyri teg, kanst tú senda okkum nøkur orð um teg sjálva/n umvegis leinkjuna í høgru síðu. Hevur tú spurningar til starv ella setan, kanst tú venda tær til Mariu Hansen, handilsleiðara, á telefon 233446.

 

Umsóknarfreist:
27. apr 2022
Starvsfólk til Bónus í Miðlon

Til handilin í Miðlon leita vit eftir einum fryntligum og fyrikomandi starvsfólki, ið leggur í at geva kundunum bestu innkeypsupplivingina. Tú kemur millum annað at hava ábyrgdina av deildini við frukt og grønt, sum er ein tann týdningarmiklasta í handlinum. Aðrar uppgávur fevna um at avgreiða kundar við kassan, at fylla aðrar vørur út í handilin, og at syrgja fyri, at handilin er snøggur og innbjóðandi.

 

Tú kemur at arbeiða í dagtímunum frá kl. 8.30 til 16.00.

 

Er hetta starvið fyri teg, kanst tú senda okkum nøkur orð um teg sjálva/n umvegis leinkjuna í høgru síðu. Hevur tú spurningar til starv ella starvssetan, ber til at venda sær til Bárður Olsen, handilsleiðara, á telefon 233441.

 

Umsóknarfreist:
08. apr 2022
Starvsfólk til Mylnuna á Jónas Broncks gøtu

Til handilin á Jónas Broncks gøtu hava vit tørv á einum starvsfólki, ið kann arbeiða fulla tíð í skiftandi vaktum.

Vit leita eftir viðkomandi, ið á bestan hátt kann selja og vísa á okkara breyð og køkur, ið koma beint frá bakaranum. Hjá okkum eru góðska og kundatænasta lyklaorð, og vænta vit av tær, at tú sum handilsfólk er fyrikomandi og ábyrgdarfull/ur.

 

Uppgávurnar fevna í høvuðsheitum um at avgreiða kundar, bæði við kassan og á gólvinum, um tørvur er á tí, at fylla vørur á hyllarnar og sum heild at halda handilin penan og innbjóðandi.

 

Um tú ert áhugað/ur í at gerast partur av toyminum á Jónas Broncks, kanst tú senda tína umsókn umvegis síðuna her. Eru spurningar til starvið, kanst tú venda tær til Lindu Lydersen, handilsleiðara, á telefon 769093.

 

Umsóknarfreist:
05. apr 2022
Starvsfólk til Hornið í SMS

Í Horninum hava vit nógv at gera hvønn dag, og leita vit nú eftir tveimum nýggjum starvsfeløgum. Vit hava tørv á einum fólki til fulltíðarstarv og einum, ið kemur at arbeiða áleið hálva tíð.

 

Hjá okkum verður tú partur av einum ungum og fryntligum toymi, og tín uppgáva verður at avgreiða kundar, at gera teir leskiligu kaffi- og tedrykkirnar og annars at syrgja fyri, at kafein altíð er snøgg og innbjóðandi.

 

Vit leita eftir tær, ið er tænastusinnað/ur og annars fryntlig/ur og ábyrgarfull/ur.

 

Um tú hevur hug at gerast partur av toyminum, kanst tú senda okkum nøkur orð um teg sjálva/n umvegis síðuna her. Hevur tú spurningar til starv ella starvssetan, kanst tú venda tær til Mary Sigurheim á telefon 259252.

Umsóknir verða viðgjørdar leypandi.

 

Umsóknarfreist:
02. mar 2022
Kom og starvast í Mylnuni eftir skúlatíð

Mylnan á Jónas Broncksgøtu leitar eftir fólki at arbeiða nøkur kvøld um vikuna og okkurt vikuskifti. Um tú gongur í skúla, hevur arbeiði í dagtímunum ella bert ynskir tær eitt kvøldarstarv, er hetta kanska rætta starvið fyri teg.

 

Vit leita eftir tær, ið er

-          áhugað/ur í kundatænastu og sølu

-          fryntlig/ur og fyrikomandi

-          sjálvstøðug/ur og álítandi

 

Arbeiðstíðin er áleið 20 tímar um mánaðin.

 

Um tú hevur hug at gerast partur av toyminum, kanst tú senda tína umsókn umvegis síðuna her. Eru spurningar til starvið, kanst tú venda tær til Lindu Lydersen, handilsleiðara, á telefon 769093.

Umsóknarfreist:
04. feb 2022
Starvsfólk til Mylnuna í miðbýnum

Kundi tú hugsa tær at arbeitt nakrar tímar eftir skúlatíð?

 

Mylnan í miðbýnum sóknast eftir fólki at arbeiða áleið 20 tímar um mánaðin. Tínar uppgávur verða millum annað at standa við kassan, at fylla vøru upp og annars at syrgja fyri, at handilin er innbjóðandi og ruddiligur.

 

Ert tú ábyrgdarfull/ur, fyrikomandi og røsk/raskur, og hevur tú hug at gerast partur av unga toyminum, kanst tú senda okkum nøkur orð um teg sjálva/n umvegis leinkjuna í høgru síðu.

Hevur tú spurningar til starvið kanst tú venda tær til Vár Egholm á telefon 769094.

 

Vit gleða okkum at hoyra frá tær :-)

 

Umsóknarfreist:
25. jan 2022
Fulltíðarstarvsfólk til Mylnuna á Smyrilsvegi

Kundi tú hugsa tær eitt starv, har tín størsta uppgáva er at veita kundum eina góða innkeypsuppliving? So er Mylnan á Smyrilsvegi møguliga eitt stað fyri teg. Vit leita í løtuni eftir einum starvsfelaga, ið kann hjálpa okkum at selja bakara- og aðrar vørur, at veita góða kundatænastu, og sum heild halda handilin hjá okkum penan og innbjóðandi.

 

Hjá okkum verður tú partur av einum toymi, ið arbeiður tætt saman, og er tað týdningarmikið, at tú ert sosial/ur, fryntligur og fyrikomandi.

 

Arbeiðstíðin er 35 tímar um vikuna í skiftandi vaktum, og vit síggja gjarna, at tú byrjar sum skjótast.

 

Sært tú teg sjálva/n í starvinum, ert tú vælkomin at senda tína umsókn umvegis leinkjuna í høgru síðu. Hevur tú spurningar til starv ella starvssetan, kanst tú venda tær til Honnu Haraldsen, handilsleiðara, á telefon 275048.

 

Umsóknarfreist: