Starvsfólk til Mylnuna á Berjabrekku

Leitar tú eftir einum starvi í handilsvinnuni? So hava vit beint nú eitt starv leyst at søkja í Mylnuni á Berjabrekku. Hjá okkum fáa vit hvønn dag lekkrar vørur frá bakarínum, og leggja vit stóran dent á at vísa hesar fram á bestan hátt. Gott handverk og góð tænasta gongur hond í hond í handlum okkara, og leita vit tí eftir einum fryntligum og fyrikomandi starvsfelaga.

Uppgávurnar fevna í høvuðsheitum um at avgreiða kundar, bæði við kassan og á gólvinum, um tørvur er á tí, at fylla vørur á hyllarnar og sum heild at halda handilin penan og innbjóðandi.

Talan er um eitt starv á áleið 35 tímar um vikuna.

Um tú ert áhugað/ur í at gerast partur av toyminum á Berjabrekku, kanst tú senda tína umsókn umvegis síðuna her. Eru spurningar til starv ella starvssetan, kanst tú venda tær til Joan E. Justinussen, handilsleiðara, á telefon 769091.