Leys størv

Vit leita í løtuni eftir einum starvsfólki, ið kann gerast partur av okkara bilføraratoymi. Sum bilførari hjá Mylnuni verður tín uppgáva at koyra bakara- og aðrar vørur, ið vit framleiða, út í handlar okkara og matstovur í Havn og í Klaksvík. Tað er umráðandi, at tú arbeiður skipa og at tú er ábyrgdarfull/ur.

Talan er um eitt tíðaravmarkað starv í eitt ár, við møguleika at leingja.

Starvið er fulltíðarstarv á 40 tímar um vikuna, og arbeiðstíðin er frá kl. 6 á morgni til kl. 14. Mánadag til fríggjadag og annaðhvønn leygardag.

Tín arbeiðsdagur byrjar í bakarínum á Hoyvíksvegi 67 í Havn (Miðlon).

Lønt verður eftir sáttmála hjá Havnar Arbeiðarafelag.

Hevur tú spurningar til starv ella setan, kanst tú venda tær til Súnhild Holm, samskipara, á telefon 233435. Send okkum nøkur orð um teg sjálva/n umvegis leinkjuna í høgru síðu.

Rein revsiváttan er kravd. Bert vanligt koyrikort er neyðugt fyri at røkja starvið.

Dámar tær væl at baka? Og kundi tú hugsa tær at gjørt tað til tína yrkisleið?

Sum bakaralærlingur lærir tú at gera alskins sløg av breyði, køkum og wienarbreyði. Tú sleppur at arbeiða við hondunum og fært samstundis holla vitan um tað at framleiða breyð, gera deiggj, køkur o.a. Útbúgvingin sameinar teori og praksis, og tú fær bæði vitan innan bakstur, keyp og sølu, vørur og eftirlit.

Útbúgvingin tekur 4 ár tilsamans, har skift verður millum verkliga læru í bakarínum í Miðlon og skúlaskeið í Danmark. Sum bakaralærlingur hjá Mylnuni verður tú knýttur at ZBC skúlanum í Ringsted. Tú skalt sostatt til Danmarkar í skúla 5 ferð í lærlingatíðarskeiðnum og fær uppihaldið goldið.

Sum bakari hevur tú ein spennandi arbeiðsdag, har tú møtir tíðliga og fært tíðliga frí. Arbeiðstíðin er 40 tímar um vikuna, og vikuskiftisarbeiði kann koma fyri.

Hevur tú lokið fólkaskúlan, og ljóðar hetta sum ein yrkisleið fyri teg? So kanst tú søkja um at gerast lærlingur hjá Mylnuni umvegis síðuna her. Umsóknarfreistin er 11. juni 2023 á midnátt, og starvið verður sett eftir avtalu.

Eru spurningar til starv ella okkurt annað í samband við læruna, kanst tú venda tær til Eirikur Magnussen, bakarameistara, á 214456.

Tímur tú væl at fáast við samskifti, sosialar miðlar og samskipan av tiltøkum? So hava vit møguliga eitt starv til tín á Marknaðardeildini í SMS.

Starvið

Arbeiðsuppgávurnar hjá samskiparanum fevna breitt. Tú fær millum annað ábyrgdina av at dagføra og menna tilfar til heimasíður og sosialar miðlar. Tú skal, saman við býlingsstjóranum og øðrum starvsfólkum á deildini, verða við at hugskotsmenna, seta í verk og samskipa tiltøk.

Arbeiðsstaðurin er á skrivstovuni inni í SMS, og fevna uppgávurnar tí eisini um at avgreiða og vegleiða fólk, ið støkka inn á skrivstovuna, og at selja gávukort og annað fyrifallandi.

Tú kemur at starvast í einum kreativum og spennandi umhvørvi, har tú í stóran mun sjálv/ur setur tín dám á arbeiðsdagin.

Um teg

Vit ímynda okkum, at tú er ágrytin, forvitin og at tú arbeiður væl sjálvstøðugt, líka væl sum í einum toymi.

Útbúgving er ikki eitt krav, tað er tó ein fyrimunur, um tú hevur royndir við Meta og SoMe, og at tú dugur væl at orða teg á føroyskum.

Arbeiðstíðin er 40 tímar um vikuna. Tú kemur í størstan mun at arbeiða gerandisdagar tá deildin hevur opið, men kann eisini vænta at arbeiða skeivar tíðir, í samband við tiltøk o.a.

Vilt tú hava meira at vita um starv ella starvssetan, ert tú vælkomin at seta teg í samband við Duritu Nolsøe, býlingsstjóra, á telefon 220230.

Umsókn við CV og møguligum viðkomandi tilfari skal sendast umvegis leinkjuna í høgru síðu í seinasta lagi sunnukvøldið 28. mai 2023. Starvið verður sett um 1. juli 2023 ella eftir avtalu.

Løn og setanartreytir eru sambært avtalu.

Kom og arbeið saman við okkum seinnapartar og onkrar leygardagar!

Hjá okkum verður tú partur av einum ungum og fryntligum toymi, og verður uppgávan hjá tær at avgreiða kundar, at gera teir leskiligu kaffi- og tedrykkirnar og annars at syrgja fyri, at kafein altíð er snøgg og innbjóðandi.

Tú mást vera smílandi, tænastusinnað/ur og ábyrgdarfull/ur :-)

Vit ímynda okkum, at tú kanst arbeiða nakrar seinnapartar um vikuna og annaðhvønn leygardag, og gjarna eitt sindur meira í summarfrítíðini.

Hevur tú spurningar til starv ella starvssetan, kanst tú venda tær til Rebekku Petursdóttir, leiðara, á telefon 221682. Ert tú áhugað/ur í at starvast samam við okkum, kanst tú senda okkum nøkur orð um teg sjálva/n umvegis leinkjuna í høgru síðu.

Til Mylnuna á Smyrilsvegi leita vit í løtuni eftir einum starvsfólki til eitt starv á áleið 35 tímar um vikuna. Talan er um skiftandi vaktir, men serliga hava vit tørv á fólki, ið kann arbeiða morgun- og dagvaktir vanligar dagar og annaðhvørt vikuskiftið.

Okkara starvsfólk máa vera ábyrgdarfull og røkin, og tey eru áhugað at veita góða kundatænastu.

Eru spurningar til starv ella starvssetan, kanst tú venda tær til Honnu Haraldsen, handilsleiðara, á telefon 275048. Tú søkir starvið beinleiðis á síðuni her.

Vit leita beint nú eftir einum kondittaralærlingi til spildurnýggja kondittaríið í SMS.

Hjá okkum kemur tú at luttaka í dagligu framleiðsluni av smáum og stórum køkum og av ísi. Tú ert við í kreativu menningini av vøruúrvalinum, og kanst tú á tann hátt vera við at seta tín dám á arbeiðsdagin.

Tú kemur at arbeiða við hondunum og fær gjøgnum útbúgvingina ein breiðan kunnleika um køkur, wienarbreyð, marsipan, sjokuláta o.a. Tú kemur eisini at læra at baka botnar, gera køkukrem og at skapa títt egna serkenni.

Útbúgvingin tekur 4 ár tilsamans, har skift verður millum verkliga læru í Omaná og skúlaskeið í Danmark. Øll skúlagongdin gongur fyri seg á ZBC skúlanum í Ringsted, og skalt tú niður í skúla 6 ferðir í lærlingatíðarskeiðinum.

Tá tú ert undir útbúgving, fært tú lærlingaløn sambært sáttmálanum hjá Handverkarafelagnum.

Sum persónur ert tú ábyrgdarfullur, títt arbeiðslag er skipað, tú arbeiður væl sjálvstøðugt líka so væl sum í einum toymi, og so ert tú sjálvandi íðin at læra og at menna teg í yrkinum :-)

Hevur hetta tín áhuga? So kanst tú senda okkum tína umsókn umvegis leinkjuna í høgru síðu. Um tú hevur spurningar til eitthvørt, kanst tú venda tær til Malene Fisker Waag, stjóra, á telefon 787912. Vit gleða okkum at hoyra frá tær!

Umsóknir verða viðgjørdar leypandi, og starvsbyrjan er eftir avtalu.

Vit leita eftir einum starvsfólki, ið dámar væl at fáast við matgerð, og samstundis hevur hug at starvast við kundatænastu. Tín fremsta uppgáva á Krásadeildini verður at avgreiða og hjálpa kundum, og harafturat hjálpa við at fylla diskarnar við alskynd lekkrum krásavørum.

Vit leita eftir tær, ið er tænastusinnað/ur, dygdartilvin og gongur høgt upp í reinføri. Harafturat ynskja vit, at tú kanst samskifta á føroyskum.

Arbeiðstíðin er áleið 30-35 tímar um vikuna mánadag til fríggjadag og 3. hvønn leygardag.

Send okkum nøkur orð um teg sjálva/n umvegis leinkjuna í høgru síðu, um tú ert áhugað/ur at gerast partur av toyminum. Eru spurningar til starv ella starvssetan, kanst tú seta teg í samband við Rasmus Konggaard, sláturmeistara, á telefon 233432. 

Til matstovuna í Havn leita vit eftir tænarum til fulltíðarstarv.

Sum tænari fært tú ábyrgdina av at taka ímóti gestum, at taka ímóti bíleggingum, at borðreiða mat og drykkjuvørur og at halda matstovuna reina og ruddiliga – alt við einum smíli :-)

Vit leita eftir tær, ið hevur lætt við at samskifta við gestir og starvsfelagar, ið er fyrikomandi og smílandi av lyndi, ið dugur at arbeiða skipa, og at hava yvirlit.

Um tú kundi hugsa tær at verið partur av tænaratoyminum, kanst tú senda okkum nøkur orð um teg sjálva/n umvegis leinkjuna í høgru síðu. Hevur tú spurningar til starv ella starvssetan, kanst tú venda tær til Katrin Káradóttir á telefon 233425.

Arbeiðstíðin er skiftandi, hevur tú ynskir hesum viðvíkjandi, eru vit til at tosa við.

Til Hornið í SMS leita vit eftir einum starvsfólki at gera morgunmat, smyrjibreyð o.a. hvønn- ella annaðhvønn leygardag frá kl. 8.00 til áleið kl. 15.00.

Vit hava nógv at gera hvønn dag. Tú kemur at starvast í køkinum og mást tú duga væl at arbeiða skipa. Vit vænta eisini av tær, at tú ert røkin, ábyrgdarfull/ur og gongur høgt upp í reinføri.

Eru spurningar til starvið, kanst tú venda tær til Rebekku Petursdóttir á 221682 ella á rebekka@sms.fo. Kundi tú hugsa tær at verið partur av toyminum, kanst tú søkja starvið beinleiðis her á síðuni.