fo / en
Totalview HR rekruttering
Ment av Formula

Leys størv

31. jan 2023
Starvsfólk til Pylsuvognin

Til Pylsuvognin á Eystaru Bryggju leita vit eftir starvsfólkum, ið kunnu matgera og selja teir vælkendu grill-rættirnir.

Tað er umráðandi fyri okkum, at tann, ið verður settur, er tænastusinnað/ur og fryntlig/ur, samstundis sum viðkomandi skal dáma væl at fáast við matgerð.

 

Arbeiðstíð: Vit hava bæði tørv á fólki, ið kann arbeiða fulla tíð, og á fólki til parttíð, nakrar tímar um vikuna. Greið okkum frá í umsóknini, hvussu nógvar tímar um vikuna tú kundi hugsa tær at arbeitt.

Pylsuvognurin hevur opið hvønn dag millum kl. 11.30 og 15.00 og aftur frá kl. 17.00 til 21.30.

 

Royndir innan øki er ikki ein treyt, vit geva tær neyðugu upplæringina :-)

 

Hevur tú hug at gerast partur av toyminum, kanst tú senda okkum nøkur orð um teg sjálva/n umvegis leinkjuna í høgru síðu. Hevur tú spurningar til starv ella starvssetan, kanst tú venda tær til Katrin Káradóttir á telefon 233425.

Vit ynskja, at tú kanst samskifta á føroyskum.

 

Umsóknarfreist:
29. des 2022
Starvsfólk til Mylnuna á Jónas Broncksgøtu

Ert tú álítandi, smílandi og arbeiðssom/samur? So er tað kanska tær vit leita eftir til eitt starv í Mylnuni á Jónas Broncksgøtu. Hvønn dag fáa vit lekkrar vørur frá bakarínum, og leggja vit stóran dent á at vísa hesar fram á bestan hátt. Gott handverk og góð tænasta gongur hond í hond í handlum okkara. Tí er tað eisini sera umráðandi, at okkara starvsfólk eru fryntlig at heita á.

 

Hjá okkum verða tínar uppgávur í høvuðsheitum at avgreiða kundar, bæði við kassan og á gólvinum, um tørvur er á tí, at fylla vørur á hyllarnar og sum heild at halda handilin penan og innbjóðandi.

 

Arbeiðstíðin um vikuna er um 30-35 tímar í skiftandi vaktum mánadag til fríggjadag og annaðhvørt vikuskifti.

 

Um tú ert áhugað/ur í at gerast partur av toyminum á Jónas Broncks, kanst tú senda tína umsókn umvegis síðuna her. Eru spurningar til starvið, kanst tú venda tær til Lindu Lydersen, handilsleiðara, á telefon 769093.

 

Umsóknarfreist:
29. aug 2022
Starvsfólk til Mylnuna á Smyrilsvegi

Til handilin á Smyrilsvegi hava vit tørv á einum starvsfólki til starv á 30-35 tímar um vikuna at byrja beinanvegin.

 

Sum handilsfólk fevna tínar uppgávur í høvuðsheitum um at avgreiða kundar, bæði við kassan og á gólvinum, at fylla vørur á hyllarnar og sum heild at halda handilin penan og innbjóðandi.

Tað er umráðandi fyri okkum, at tú ert vinarlig/ur og fyrikomandi av lyndi, at tú er arbeiðssom/samur, og at tú ert sjálvstøðug/ur og álítandi.

 

Um tú ert áhugaður í starvinum á Smyrilsvegi, kanst tú senda okkum nøkur orð um teg sjálva/n umvegis leinkjuna í høgru síðu. Hevur tú spurningar til starv ella starvssetan, kanst tú venda tær til Honnu Haraldsen, handilsleiðara, á telefon 275048.

Umsóknarfreist: